Kongsbóndi til 1670

Tann bóndin, sum sat við teimum 20 gyllunum av kongsjørð til 1670, var verfaðir Magnus, son Rasmus í Haraldssundi. Hann æt Ólavur og átti umframt Gertrud, konu Magnus Rasmussen, tveir synir. Teir itu Hanus og Justinus. Tann yngri giftist til Kunoyar, men Hanus, ið var eldri, var leingi í útlondum í orlogstænastu. Hann kom tó heimaftur, men hevur helst ongantíð fest, tí hann doyði í 1697, og tá var pápin helst á lívi. Tað skuldi vita so illa til, at bæði hann og einasti sonur hansara duttu oman í 1697. Kona hansara æt Anna Absalonsdatter og var av Viðareiði.

Tað var ivasamt, um tey áttu meira enn ta einu dóttrina, ið æt Sára og var ógift, og so henda sonin.