Yrking Hans J. Glerfoss

Myndin er av einum málningi, sum Hans J. Glerfoss málaði.

Málningurin er av skarðsfólkum, tá tey rýmdu av Skarði 26. januar 1919.

Eg vil so fegin tæna tær

mín bjargari mín Guð,

vil gleði tí tú unti mær

títt lív og ljósins lut.

Og ivan sum meg binda vil

og mannaóttan við,

rek frá mær og send aftur til

tey ytstu myrkurs mið.

So ikki slókta beri eg

ta lykt eg fekk í hond,

frá tær at lýsa øðrum veg

til tín og lívsins lond.

Hans J. Glerfoss